ताजा

लोकप्रिय

प्रिती-युनिकोड

२०७८ मंसिर २०, सोमबार
गृहपृष्ठ राजनीति सुदूरपश्चिमका ७ जिल्लामा काँग्रेसको अधिवेशन सम्पन्न

सुदूरपश्चिमका ७ जिल्लामा काँग्रेसको अधिवेशन सम्पन्न

कञ्चनपुर । सुदूरपश्चिमका विभिन्न जिल्लामा आज नेपाली कांग्रेसको प्रतिनिधिसभा निर्वाचन क्षेत्रस्तरीय अधिवेशन र केही जिल्लामा जिल्ला अधिवेशन भइरहेको छ। पार्टीको १४औँ महाधिवेशनअन्तर्गत एउटा मात्रै निर्वाचन क्षेत्र भएको जिल्लामा जिल्ला अधिवेशन भइरहेको छ भने एकभन्दा बढी निर्वाचन क्षेत्र भएका जिल्लामा क्षेत्रीय अधिवेशन भइरहेको छ।

कञ्चनपुरको निर्वाचन क्षेत्र नं १ मा कांग्रेस नेता गोपीप्रसाद उपाध्याय र हरिचन्द ठकुरीबीच सभापति पदमा प्रतिस्पर्धा हुँदैछ। उक्त निर्वाचन क्षेत्रमा संविधानसभा सदस्य दीवान विष्टको राम्रो पकड मानिन्छ।

यसैगरी निर्वाचन क्षेत्र नं २ मा लालबहादुर सिंह र नवराज जोशीबीच क्षेत्रीय सभापतिका लागि निर्वाचन हँुदैछ। उक्त क्षेत्र कांग्रेस नेता तथा पूर्वमन्त्री एनपी साउदको पकड राम्रो रहेका क्षेत्रका रुपमा लिइन्छ।

यसैगरी निर्वाचन क्षेत्र नं ३ मा केशवबहादुर चन्द र गणेशसिंह नेगीबीच सभापतिका लागि निर्वाचन हुँदैछ। निर्वाचन क्षेत्र नं ३ नेता रमेश लेखकको पकड क्षेत्र मानिएको छ।

यता कैलालीका ५ निर्वाचन क्षेत्रमा आज काँग्रेसको अधिवेशन भइरहेको छ। नेपाली काँग्रेस कैलालीका सभापति नरनारायण शाहले ५ वटै निर्वाचन क्षेत्रमा क्षेत्रीय अधिवेशन भइरहेको जानकारी दिए। उनका अनुसार क्षेत्रीय अधिवेशनमार्फत क्षेत्रीय कमिटी र महाधिवेशन प्रतिनिधि छनोट गरिने छ।

कैलाली काँग्रेसका प्रचारप्रसार समितिका संयोजक नृप सुनारले कैलाली निर्वाचन क्षेत्र नम्बर ४ मा अधिवेशन सुरु भएर मतदानको तयारी भइरहेको बताए। उनका अनुसार निर्वाचन क्षेत्र नम्बर ४ मा वर्तमान क्षेत्रीय सभापति दिनेशराज जोशी र बसन्त रोकायाको टीम प्यानलसहित चुनावी मैदानमा छ। यस्तै कैलाली निर्वाचन क्षेत्र नम्बर ५ मा नेता भीम पडाल,सन्तोष मुडभरी रहरि रेग्मीले सभापतिमा उम्मेदवारी दिएका छन्।

निर्वाचन क्षेत्र नम्बर १ मा भुवन अधिकारी र प्रकाश शाहको समूहबीच चुनाव हुने चर्चा छ। निर्वाचन क्षेत्र नम्बर २ र ३ मा पनि सर्वसम्मतको सम्भावना कम रहेको काँग्रेस कैलालीले जनाएको छ।

उता अछाम जिल्लामा पनि आज काँग्रेसको क्ष््रोत्रीय अधिवेशन भइरहेको छ। सुदूरपश्चिमका सात पहाडी जिल्लामध्ये अछाममा मात्र दुई वटा निर्वाचन क्षेत्र छन्।

उता डोटीमा नेपाली कांग्रेसको १४औँ महाधिवेशनअन्र्तगत आज सम्पन्न प्रदेशसभाको मतपरिणाम सार्वजनिक भएको छ। प्रदेशसभा १ ९१० को सभापति पदमा धर्मराज जोशी र १९२० मा भैरवबहादुर साउद विजयी भएका छन्। डोटीमा आजदेखि जिल्ला अधिवेशन भइरहेको छ। जिल्ला सभापतिमा प्रदीप देउवा, नरेन्द्र सिंह, भुमिराज बडु, टेकराज ओझा र नरबहादुर ढाटले मनोनयन दर्ता गरेका छन्।

उता प्रधानमन्त्री एवम् नेपाली कांग्रेस सभापति शेरबहादुर देउवाको गृह जिल्ला डडेल्धुरामा नेपाली कांग्रेसको सातौँं जिल्ला अधिवेशन सुरु भएको छ। काँग्रेस सुदूरपश्चिमका प्रमुख सचेतक गोविन्दराज बोहराले अधिवेशन उद्धघाटन गरेका हुन्।

अधिवेशनमार्फत नयाँ नेतृत्व चयन हुनेछ। जिल्ला सभापतिका लागि परशुराम नगरपालिकाका मेयर भीमबहादुर साउँद र नेता चुडामणी ठकुराठीले मनोनयन दर्ता गरेको निर्वाचन समितिले जनाएको छ। निर्वाचन अधिकृत लोकेन्द्र बमका अनुसार मनोनयन दर्ताको समय सकिएको छ भने अहिले नामावली प्रकाशन भइरहेको छ। आजै नयाँ नेतृत्व चयनका लागि मतदान हुने बमले बताए।

वर्तमान सभापति कर्ण मल्ल समूह भने अधिवेशनमा सहभागी छैन। एकलौटी रुपमा वडा अधिवेशन भएको भन्दै मल्ल पक्षले फेरि हुनुपर्ने माग राख्दै आएको छ। उनीहरु मंसिर १ गतेदेखि सानेपास्थित नेपाली कांग्रेसको केन्द्रीय कार्यालयमा रिले अनशनमा छन्।

बैतडीमा पनि आज नयाँ जिल्ला कमिटी चयनका लागि मनोनयन दर्ता भइरहेको छ। त्यहाँ चतुरबहादुर चन्द र शिवराज भट्ट प्यानलसहित चुनावी मैदानमा छन्। दार्चुलामा भने भोलिदेखि जिल्ला अधिवेशन सुरु हुनेछ। वर्तमान सभापति ललितसिंह बोहरा र उपसभापति अमरसिंह धामीको सभापतिमा चर्चा छ। सुदूरपश्चिमका दुई जिल्ला बाजुरा र बझाङमा भने जिल्ला अधिवेशन सम्पन्न भइसकेको छ।

ताजा समाचार

निङ्गलाशैनी माविका विद्यार्थीलाई एनसीसीले तालिम दिने

महेन्द्रनगर । महेन्द्रनगरको निङ्गलाशैनी मावि लगायत कञ्चनपुरका ८ विद्यालयमा श्री राष्ट्रिय सेवा दल (एनसीसी) ले जुनियर डिभिजन ब्याजको तालिम सञ्चालन गरेको छ । महेन्द्रनगरको गोबरैया...

सहनै नसकिने बाढीले दिएको पिडा : दिर्घकालिन समस्याको हल खै त ?

‘दोधारा चाँदनी नगर क्षेत्रमा बिभिन्न समयमा हुने कार्यक्रममा कृषी क्षेत्रका क्रान्तिकारी ठुलो आवाज उठाउनेहरुनै मानव अधिकार र खाद्य अधिकारका बिषयमा मौन देखिन थाल्नु राज्यका...

सृष्टि महिला सहकारी संस्था दोधाराको वार्षिक साधारण सभा भब्यताको साथ सम्पन्न

पप्पु गुरुङ्ग, दोधारा । सृष्टि महिला बचत तथा ऋण सहकारी संस्था दोधारा चाँदनीको वार्षिक साधारण सभा सम्पन्न भएको छ् । दोधारा चाँदनी नगरपालिकाको वडा...

ईलेक्ट्रनिक बिल्डीङ्ग प्रमिट सिस्टम) सम्बन्धि २ दिने क्षमता अभिवृद्धि तालिम संचाल

ऐश्वर्या कुवँर महेन्द्रनगर । भीमदत्त नगरपालिकाको आयोजनामा र यूएनडीपी नेपाल सीडिआर एमपीको सहयोगमा भिमदत्त नगरपालिका र निर्माण क्षेत्रमा आवद्ध विभिन्न कन्सलटेन्सीमा कार्यरत ईन्जिनियर, सव–ईन्जिनियर,...