ताजा

लोकप्रिय

प्रिती-युनिकोड

२०७८ असार १, मंगलवार
गृहपृष्ठ मुख्य समाचार दिनरात संक्रमितको उपचारमा खटिदै प्राथमिक स्वास्थ्य केन्द्र दोधाराका डा. चौधरी (भिडियो सहित)

दिनरात संक्रमितको उपचारमा खटिदै प्राथमिक स्वास्थ्य केन्द्र दोधाराका डा. चौधरी (भिडियो सहित)

पप्पु गुरुङ्ग, दोधारा । भारतमा कोरोना भाईरस संक्रमण बढ्नु र खुला सीमा नाकाबाट खुलेआम आउजाउ हुनुले दोधारा चाँदनी नगरपालिकामा संक्रमणको उच्च जोखिममा छ् । दोधारा चाँदनी नगरपालिका स्थित रहेको प्राथमिक स्वास्थ्य केन्द्रमा दिनदिनै कोरोना भाईरसको लक्षण भएको बिरामीहरु आउने गरेका छन् । पिसिआर तथा एन्टिजिन किटको अभाव संगै आएका बिरामीहरुलाई संक्रमित भएको पत्ता लगाउन सकिएको छैन् । कही कतै एन्टिजिन किट नपाएको कारण समस्या आएको दोधारा चाँदनी नगरपालिका कार्यालयका स्वास्थ्य शाखा प्रमुख जय बहादुर महराले जनाएका छन् । एन्टिजिन किटको बजारमा अभाव रहेको हुदा खरिद गर्न नसकिएको दोधारा चाँदनी नगरपालिका कार्यालयका स्वास्थ्य शाखा प्रमुख जय बहादुर महराले बताए । कोरोना संक्रमण पत्ता लगाउने एन्टिजिन किट नभएको कारण प्राथमिक स्वास्थ्य केन्द्रमा उपचार गर्न समस्या पर्दै आएको स्वास्थ्यकर्मीहरुले बताउदै आएका छन् ।

प्राथमिक स्वास्थ्य केन्द्र दोधाराका डाक्टर गगन राज चौधरी कोरोना संक्रमितहरुको उपचारमा दिन रात खटिदै आएका छन् । कोरोना संक्रमण भएका बिरामीहरुलाई अन्य अस्पतालमा पठाएर उपचार गर्न नसकिने अवस्था श्रजना भएपछि डाक्टर चौधरी र उनका टिम कोरोना संक्रमितहरुको उपचारमा दिनरात खटिदै आएका बताईएको छ् । स्वास्थ्य केन्द्रमा कोरोना परिक्षण गर्ने किटको अभाव संग अक्सिजनको समस्या देखा पर्न थालेको छ् । स्वास्थ्य सेवाको लागी विकट दोधारा चाँदनी नगरपालिकाका जनताले प्यारो मानेका व्यक्ति हुन् प्राथमिक स्वास्थ्य केन्द्र दोधाराका डाक्टर गगन चौधरी । संक्रमण बढेको अवस्थामा आफ्नो ज्यानको पर्वाह नगरि दोधारा चाँदनी नगरपालिकाका जनताको सेवामा समर्पित रहेका डाक्टर चौधरीले झण्डै १० जना भन्दा बढी कोरोना संक्रमितहरुलाई उपचार पछि घर फर्काएका छन् ।

दिनप्रतिदिन कोरोना संक्रमितको संख्या उकालो लाग्दै गर्दा आफ्नो ज्यानको जोखिम मोलेर अहोरात्र जनताको सेवामा समर्पित यस क्षेत्रका धरोहर डाक्टर चौधरी र उनका टिम प्राथमिक स्वास्थ्य केन्द्रमा कोरोना संक्रमितलाई उपचारमा ब्यस्त रहेका छन् । दोधारा चाँदनी नगरपालिकाका नगर प्रबक्ता दिल बहादुर सिजालीले पिडाको बेला प्राथमिक स्वास्थ्य केन्द्रमा डाक्टर गगन चौधरीले गर्दै आएका काम प्रति आफुहरु नतमस्तक भएको बताउछन् । ‘डाक्टर चौधरीले पेशा भन्दा मानविय कार्य गर्नुर्भको छ्’ दोधारा चाँदनी नगरपालिकाका नगर प्रबक्ता दिल बहादुर सिजालीले भने । दोधारा चाँदनी नगरपालिकाले आईसोलेसन निमार्ण गर्ने भने अझै सम्म आईसोलेसन निमार्ण हुन सकेको छैन् । अघोषितरुपमा प्राथमिक स्वास्थ्य केन्द्र दोधारा कोभिड अस्पताल भएको छ् । आईसोलेसन निमार्णमा दोधारा चाँदनी नगरपालिका अझै अलमल देखिन्छन् । संक्रमणको लक्षण भएका दैनिक दर्जनौ बिरामी प्राथमिक स्वास्थ्य केन्द्रमा आउने गरेको प्राथमिक स्वास्थ्य केन्द्रका डाक्टर गगन चौधरीले बताएका छन् ।

एक अनुमान अनुसार गाँउ, बस्तीमा कोरोना संक्रमण भुसको आगो सरह फैलिएको छ् । कोरोना संक्रमण तीव्र रुपमा फैलिरहदा कोरोनाको दोस्रो लहर सुरु भएको भन्दै पनि उच्च सर्तकता अपनाउनु प्राथमिक स्वास्थ्य केन्द्रका स्वस्थ्यकर्मीको सुझाव छ् । कोरोना भाइरसका नयाँ भेरियन्ट झन् संक्रामक हुनुका साथै मृत्यु दर बढाउन सक्ने स्वास्थ्यकर्मीको आंकलन छ् । पछिल्लो समय बढी देखिएको वायु प्रदुषणले दीर्घरोगी तथा अरु सामान्य व्यक्तिहरुको श्वास प्रश्वास प्रणालीमा असर पारेको प्राथमिक स्वास्थ्य केन्द्र दोधाराका डाक्टर गगन चौधरीले बताए । ‘श्वासप्रश्वास प्रणाली अस्वस्थ भएको बेला कोभिड पनि लागेमा थप जोखिम हुन्छ’ प्राथमिक स्वास्थ्य केन्द्र दोधाराका डाक्टर गगन चौधरीले भने । कोरोनाको दोस्रो अध्याय सुरु भइसकेको कारण पछिल्लो केही दिनमा प्राथमिक स्वास्थ्य केन्द्रमा सिकिस्त बिरामीको संख्या बढेको छ् । श्वासप्रश्वासको समस्या, ज्वरो, खाँसी लगाएतका समस्या भएका बिरामीहरु स्वास्थ्य केन्द्रमा थपिन थालेका छन् । ‘सिकिस्त संक्रमितको संख्या बढिरहेको छ् । समुदायमा पत्ता लागेका भन्दा धेरै व्यक्ति संक्रमित छन् । ‘यसले समुदायमा कोरोना भाइरसको दोस्रो छाल आईसकेको पुष्टि गर्छ’ एक स्वास्थ्यकर्मी बताउछन् । दोस्रो छाल टार्नै नसक्ने गरी फैलिनसक्ने खतराको घण्टी बजिसकेकाले सुरक्षा मापदण्डको पालनामा हेलचेकर्‍याई नगर्न प्राथमिक स्वास्थ्य केन्द्र दोधाराले अनुरोध गरेको छ् ।

ताजा समाचार

नेपाल ईन्जिनियर्स एशोसिएसन सुदूरपश्चिमद्वारा इन्जिनियरहरुलाई कोरोना विरुद्धको खोप उपलब्ध गराउन अनुरोध

महेन्द्रनगर । नेपाल ईन्जिनियर्स एशोसिएसन सुदूरपश्चिम प्रदेश प्रथम कार्यकारिणी समितिले इन्जिनियरहरुलाई यथाशिघ्र कोरोना विरुद्धको खोप उपलब्ध गराउन अनुरोध गरेको छ । शनिवार एक विज्ञप्ती जारी...

कोभिड बिरामीहरुलाई ‘हाम्रो जिवन रक्षा’ अभियानको पहलमा दैनिक दुध र अण्डा

दोधारा । दोधारा चाँदनी नगरपालिकामा युवाहरुले थालेको ‘हाम्रो जिवन रक्षा’ अभियानको पहलमा कोभिड अस्पतालमा उपचारमा रहेकाहरुलाई दैनिक कुखुराको अण्डा र दुध दिईने भएको छ्...

दोधारा चाँदनीमा बालवालिकामा कोरोना संक्रमण

दोधारा । कोभिड अस्पताल दोधारा चाँदनीमा एन्टिजिन जाँचको क्रममा वालवालिकालाई पनि कोरोना संक्रमण फेला परेको छ् । कोभिड अस्पताल दोधारा चाँदनीमा गरिएको आजको एन्टिजिन...

कांग्रेस नेता लेखकको पहलमा चिकित्सक संघद्वारा कञ्चनपुरका लागि ८ थान अक्सिजन कन्सन्टेटर सहयोग

महेन्द्रनगर । नेपाली कांग्रेसका नेता तथा पुर्व मन्त्री रमेश लेखकको पहलमा कञ्चनपुरमा अक्सिजन कन्सन्टेटर मसिन लगायत स्वास्थ्य सामग्री वितरण गरिएको छ । कांग्रेस नेता...
Copy link
Powered by Social Snap